رمضان سے پہلے صدقۂ فطر دینا؟

رمضان سے پہلےبھی  صدقہ فطر  دے سکتے ہیں ،  جبکہ وہ شخص موجودہو،جس کی طرف سے اداکیاجارہاہے۔

محیط برہانی میں ہے’’یجوز تعجیلھا قبل یوم الفطر بیوم او یومین فی روایۃ الکرخی وعن ابی حنیفۃ لسنۃ او سنتین ‘‘ ترجمہ:امام کرخی رحمہ اللہ کے نزدیک صدقۂ فطر ،عید سے ایک یا دو دن پہلے ادا کرنا ، جائز ہے اور امام اعظم ابوحنیفہ رحمہ اللہ کے نزدیک ایک یا دو سال پہلے ادا کرنا ، جائز ہے۔   (محیط برهانی،ج2،ص 589،مطبوعہ کوئٹہ)

بہار شریعت میں ہے:” فطرہ کا مقدم کرنا مطلقاً جائز ہے ،جب کہ وہ شخص موجود ہو، جس کی طرف سے ادا کرتا ہو اگرچہ رمضان سے پیشتر ادا کر دے اور اگر فطرہ ادا کرتے وقت مالک نصاب نہ تھا، پھر ہوگیا، تو فطرہ صحیح ہے اور بہتر یہ ہے کہ عید کی صبح صادق ہونے کے بعد اور عید گاہ جانے سے پہلے ادا کر دے۔“                                                                                (بھار شریعت،ج01،حصہ 5،ص940، مکتبۃ المدینۃ ،کراچی)