روزے کی حالت میں لپ اسٹک لگانے کا حکم ؟

عورتوں کے لئے جائز و پاک اجزاء پر مشتمل لپ اسٹک (Lipstick) لگانا ، جائز ہے ، البتہ روزے کی حالت میں اس سے بچنا چاہئے کہ عموماً ہر ایک کو ہونٹوں پر زبان لگانے کی عادت ہوتی ہے اور یوں تھوک وغیرہ کے ذریعے اس کے اجزاء اندر جانے کا اندیشہ ہے اور اگر منہ میں اس کا ذائقہ محسوس ہو ، تو یہ کراہت ہو گی کہ روزے کی حالت میں بلاضرورت کسی چیز کو چکھنا مکروہ ہے ، لہٰذا روزے کی حالت میں لپ اسٹک لگانے سے بچنا چاہئے۔ البتہ روزہ ٹوٹنے یا نہ ٹوٹنے میں یہ تفصیل ہو گی کہ اگر اس کا کوئی ذرہ / جزء حلق سے نیچے اتر گیا ، تو روزہ ٹوٹ جائے گا ، جبکہ روزہ دار ہونا یاد ہو اور اگر اس کا کوئی ذرہ / جزء حلق سے نیچے نہیں اترا ، تو روزہ نہیں ٹوٹے گا۔