بغیر زبان ہلائے قرآن پڑھنے پر ثواب؟

جواب جاننے سے قبل چند باتیں ذہن نشین فرما لیں:

(1) قرآنِ مجید کو دیکھنا ، چھونا اور پڑھنا تینوں کام باعثِ اجر و ثواب ہیں۔

(2)بغیر زبان ہلائے محض دل میں / تصور ہی تصور میں پڑھنا حقیقت میں پڑھنا نہیں کہلاتا ، شرعاً اس پر پڑھنے کا اطلاق نہیں ہو گا . پڑھنے سے مراد یہ ہوتا کہ اتنی آواز سے پڑھا جائے کہ شور و غل وغیرہ کوئی مانع (رکاوٹ) نہ ہو ، تو اپنے کان سن لیں۔

تو اگر کوئی شخص قرآنِ مجید کو اس طریقے سے پڑھے کہ زبان نہ ہلائے اور محض دل یا تصورات میں پڑھ رہا ہو ، تو اُسے قرآنِ مجید پڑھنے کا ثواب نہیں ملے گا ۔ البتہ مصحف شریف کو دیکھنے اور چھونے کا ثواب ملے گا ، جبکہ اسے دیکھ اور چھو رہا ہو۔