شوگر چیک کرنے سے وضو ٹوٹتا ہے یا نہیں ؟

سبیلین (پیشاب پاخانے کی جگہ) کے علاوہ جسم کے کسی حصے سے خون نکلے ، تو اس سے وضو ٹوٹنے یا نہ ٹوٹنے کے بارے میں ضابطہ یہ ہے کہ اگر بہنے کی مقدار خون نکلے ، تو وضو ٹوٹ جائے گا اور بہنے کی مقدار نہ ہو ، تو وضو نہیں ٹوٹے گا ، عمومی طور پر شوگر چیک کرنے کے لئے جو خون نکالا جاتا ہے ، وہ بہنے کی مقدار ہوتا ہے ، لہٰذا س سے وضو ٹوٹ جائے گا . البتہ اگر ایسی صورت ہو کہ بہنے کی مقدار خون نہ نکلا ، تو وضو نہیں ٹوٹے گا۔ نوٹ: بہنے کی مقدار سے مراد یہ ہے کہ خون ، خود بخود زخم کی جگہ سے بہہ کرایسی جگہ پہنچنے کی صلاحیت رکھتا ہو جسے وضو یا غسل میں دھونا فرض ہو اور خون میں اتنی صلاحیت ہونا ہی کافی ہے ، بالفعل اُس جگہ بہہ کر پہنچنا ضروری نہیں۔ (فتاوٰی عالمگیری ، ج 01 ، ص 12 تا 13 ، مطبوعہ کراچی) (ردالمحتار ، ج 1 ، ص 292 ، مکتبہ حقانیہ ، پشاور) (ردالمحتار ، ج 1 ، ص 285 ، مکتبہ حقانیہ ، پشاور) (فتاوی رضویہ ، ج 1 ، ص 281 ، رضا فاؤنڈیشن ، لاھور)