نجومی سے قسمت کا حال پوچھنا ؟

اپنی قسمت کا حال معلوم کرنے کے لئے کسی کو ہاتھ دکھا کر یا کسی اور طریقے سے مستقبل کے بارے میں باتیں پوچھنے کی مختلف صورتیں ہیں اور ان صورتوں کے اعتبار سے اس کے مختلف احکام ہیں :

(1) اگر اس عقیدے کے ساتھ نجومی سے قسمت کا حال پوچھا کہ جو یہ بتائے گا ، وہ قطعاً یقیناً حق ہو گا ، تو یہ کفر ہے۔

(2) اگر یہ اعتقاد تو نہ ہو ، لیکن صرف رغبت و شوق کی وجہ سے اُس سے حال معلوم کیا ، تو گناہِ کبیرہ و فسق ہے۔

(3) اگر مذاق کے طور پر ہو ، تو مکروہ ہے۔

(4) اگر نجومی کو ہاتھ دکھانا اس کو عاجز کرنے کے لئے ہو ، تو حرج نہیں ہے۔

لیکن یہ آخری صورت کم ہی پائی جاتی ہے اور عموماً رغبت و شوق سے ہی دکھایا جاتا ہے ، جو حرام و گناہ کبیرہ ہے۔

(سنن ابن ماجہ ، ص 47 ، مطبوعہ کراچی)
(مراۃ المناجیح ، ج 1 ، ص 351 ، مطبوعہ ضیاء القرآن ، لاھور)
(فتاویٰ رضویہ ، ج 21 ، ص 155 تا 156 ، رضا فاؤنڈیشن ، لاھور)