بغیر عذر بیٹھ کر تراویح پڑھنا ؟

صورتِ مسئولہ میں نمازِ تراویح ہو جائے گی ، اس وجہ سے کہ فقہائے کرام کا اس بات پر اتفاق ہے کہ تراویح کی نماز بغیر کسی عذر کے بیٹھ کر پڑھنا خلافِ مستحب  و مکروہ ہے ، یہاں مکروہ سے مراد مکروہِ تنزیہی و خلافِ مستحب ہے۔ البتہ یہ مسئلہ ذہن نشین رہے کہ صحیح قول کے مطابق اگرچہ بغیر کسی عذر کے تراویح کی نماز بیٹھ کر پڑھنے سے بھی ادا ہوجائے گی ،  لیکن اس صورت میں کھڑے ہوکر نماز پڑھنے والے کے مقابلے میں آدھا ثواب ملے گا ، لہٰذا اگر کوئی عذر نہ ہو ،تو پوری کوشش یہی ہونی چاہئے کہ تراویح کی نماز کھڑے ہوکر ہی ادا ہو تاکہ پورا ثواب حاصل ہو اور  اگر عذر ہو، تو بیٹھ کر تراویح پڑھنا جائز ہے،تراویح  بلاکراہت ادا ہو جائے گی  اور ثواب بھی پورا ملےگا۔                               (رد المحتار مع در المختار ، 2 / 603 ، بھارِ شریعت ، 1 / 693ملخصاً)