عورت کا گھر کی چھت پہ نماز پڑھنا کیسا ؟
ریفرینس نمبر: 70
تاریخ اجراء:30 شوال المکرَّم 1445 ھ بمطابق 08 مئی 2024 ء
مجیب: ابو ثوبان محمد خاقان قادرى عفى عنه
شعبہ الافتاء و التحقیق
(جامعہ عطر العلوم)
سوال
کیا عورت گھر کی چھت پہ کھلے آسمان کے نیچے نماز پڑھ سکتی ہے ؟
جواب
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
عورت کا چھت پر نماز پڑھنا جائز ہے ، جبکہ بے پردگی والی صورت نہ ہو مثلاً چھت پر اگر اتنی اونچی باؤنڈری وال ہے کہ دوسروں کی نظر اس عورت پر نہیں پڑے گی ، لیکن پھر بھی عورت کا بند کمرے میں نماز پڑھنا افضل ہے ۔
نبی کریم صلی اللہ علیہ و الہ و سلم نے ارشاد فرمایا : “ صلاۃ المراۃ فی بیتھا افضل من صلاتھا فی حجرتھا و صلاتھا فی مخدعھا افضل من صلاتھا فی بیتھا ” ترجمہ : عورت کا دالان میں نماز پڑھنا صحن میں پڑھنے سے بہتر ہے اور کوٹھری میں پڑھنا دالان سے بہتر ہے۔ (سنن ابی داؤد ، ج 1 ، ص 96 ، حدیث نمبر:570)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَسَلَّم
