داڑھی منڈانا مستحب

ادارہ : جامعہ عطر العلوم (اسلام آباد)

تاریخ : 06 جمادی الاولیٰ 1446 ھ بمطابق 09 نومبر 2024 ء

سلسلہ : الالغاز الفقھیۃ (فقہی پہیلیاں)

کتاب الحظر والاباحۃ : داڑھی کا بیان

!!!عنوان : داڑھی منڈانا مستحب

نمبر شمار : 34

سوال : کیا کسی صورت میں داڑھی منڈانا مستحب بھی ہے ؟

جواب : پوری ایک مُشت داڑھی رکھنا واجب ہے اور داڑھی منڈانا یا ایک مٹھی سے کم کروانا دونوں حرام و گناہ ہیں ، لیکن یہ حکم مردوں کے لئے ہے ، اگر عورت کے چہرے پر داڑھی کے بال آجائیں ، تو مستحب ہے کہ وہ ان بالوں کو اپنے چہرے سے بالکل صاف کر دے .

رد المحتار میں ہے: “ و في تبيين المحارم : إزالة الشعر من الوجه حرام إلا إذا نبت للمرأة لحية أو شوارب فلا تحرم إزالته بل تستحب ” ترجمہ : تبیین المحارم میں ہے کہ چہرے سے بال اتارنا حرام ہے . ہاں ! اگر عورت کی داڑھی یا مونچھ نکل آئے ، تو اُسے اتارنا حرام نہیں ، بلکہ مستحب ہے .

(رد المحتار علی الدر المختار ، ج 6 ، ص 373 ، بیروت)

و اللہ تعالیٰ اعلیٰ و اعلم بالصواب

✍️ ابو ثوبان محمد خاقان قادری عفی عنہ